პეტრე შოთაძის სახელობის თბილისის სამედიცინო აკადემიის (თსა) აკადემიური საბჭო (შემდგომში – აკადემიური საბჭო) არის წარმომადგენლობითი ორგანო, რომლის შემადგენლობა ყალიბდება ფაკულტეტის საბჭოს მიერ წარდგენილი და პარტნიორთა კრების მიერ დამტკიცებული სრული და ასოცირებული პროფესორებით.  
 აკადემიური საბჭო მართვას ახორციელებს შემდეგი პრინციპების დაცვით:
- მიღებული გადაწყვეტილებების საჯაროობა და ხელმისაწვდომობა ყველა დაინტერესებული პირისთვის;
- აკადემიური პერსონალისა და სტუდენტთა აკადემიური თავისუფლება.
 აკადემიური საბჭო თავის საქმიანობას ახორციელებს საქართველოს კონსტიტუციის, "უმაღლესი განათლების შესახებ" საქართველოს კანონის, სხვა ნორმატიული აქტების და თსა დებულების  შესაბამისად, უმაღლესი საგანმანათლებლო დაწესებულების ავტონომიის უფლების გათვალისწინებით.
 აკადემიურ საბჭოს აქვს ბლანკი წარწერით "პეტრე შოთაძის სახელობის თბილისის სამედიცინო აკადემიის აკადემიური საბჭო".

თავი I
აკადემიური საბჭოს უფლებამოსილება

"უმაღლესი განათლების შესახებ" საქართველოს კანონის შესაბამისად აკადემიური საბჭო:

1.       თავისუფალი და თანასწორი არჩევნების საფუძველზე, ფარული კენჭისყრით, სიითი შემადგენლობის უმრავლესობით ირჩევს რექტორს - აკადემიური სამჭოს თავმჯდომარეს;

2.       საკონკურსო კომისიის წარდგინების საფუძველზე, ფარული კენჭისყრით, ხმათა უმრავლესობით ირჩევს მედიცინის ფაკულტეტის დეკანს და აკადემიურ პერსონალს;

3.       ამტკიცებს თსა-ს საქმიანობის მარეგულირებელ დოკუმენტებს;

4.       აკადემიური პერსონალის და სტუდენტთა მონაწილეობით შეიმუშავებს და ამტკიცებს თსა-ს მისიას;

5.       ფაკულტეტის წარდგინებით ამტკიცებს საგანმანათლებლო, სასწავლო კურსების (სილაბუსების) და კვლევით პროგრამებს;

6.        ხელს უწყობს უმაღლესი განათლების ევროპულ სივრცეში ინტეგრაციას, უმაღლეს საგანმანათლებლო დაწესებულებებს შორის თანამშრომლობას, აკადემიური პერსონალისა და სტუდენტების მობილობას;

7.         ფაკულტეტის საბჭოს წარდგინებით განსაზღვრავს და ამტკიცებს კოეფიციენტებს ერთიანი ეროვნული გამოცდებისთვის და მისაღები კონტიგენტის რაოდენობას;

8.        იღებს გადაწყვეტილებას საპატიო დოქტორის წოდების მინიჭების შესახებ;

9.         ახორციელებს "უმაღლესი განათლების შესახებ" საქართველოს კანონითა და თსა დებულებით მასზე მინიჭებულ სხვა უფლებამოსილებას.
თავი II
აკადემიური საბჭოს ადგილსამყოფელი
აკადემიური საბჭოს ადგილსამყოფელია – პეტრე შოთაძის სახელობის თბილისის სამედიცინო აკადემია, ქეთევან წამებულის 51.
თავი III
აკადემიური საბჭოს შემადგენლობა და არჩევის წესი

1.        აკადემიური საბჭოს შემადგენლობაში შედის: აკადემიური საბჭოს თავმჯდომარე და აკადემიური საბჭოს წევრები.

2.        აკადემიური საბჭოს წევრთა საერთო რაოდენობა განისაზღვრება 9 წევრით.

3.        აკადემიური საჭოს წევრების არჩევა ხორციელდება ფაკულტეტის საბჭოს მიერ წარდგენილი სრული და ასოცირებული პროფესორების შემადგენლობიდან, რომელსაც ამტკიცებს პარტნიორთა კრება.

4.        აკადემიური საბჭო აირჩევა 6 წლის ვადით.

5.       აკადემიური საბჭოს შემადგენლობა განახლებას ექვემდებარება ერთი მესამედით არჩევიდან 3 წლის შემდეგ.

6.        აკადემიური საბჭოს წევრის უფლებამოსილება წყდება კანონით დადგენილ შემთხვევებში.

7.         აკადემიურ საბჭოს  რეგლამენტით გათვალისწინებული და სხვა საკითხების გადასაწყვეტად, შეუძლია შექმნას დროებით კომისია, რომელიც მოამზადებს საკითხს და განსახილველად გამოიტანს აკადემიური საბჭოს სხდომაზე.

8.        აკადემიურ საბჭოს შეუძლია  საჭიროების შემთხვევაში მოიწვიოს ექსპერტები.

თავი IV
აკადემიური საბჭოს საქმიანობის ორგანიზაციული უზრუნველყოფა

1. აკადემიური საბჭოს საქმიანობის ორგანიზაციულ უზრუნველყოფას ახორციელებს აკადემიური საბჭოს მდივანი, რომელსაც აკადემიური საბჭოს თავმჯდომარის წარდგინებით ირჩევს აკადემიური საბჭო.
2. აკადემიური საბჭოს მდივანი შეიძლება იყოს არა საბჭოს წევრი.

თავი V
აკადემიური საბჭოს მუშაობის რეგლამენტი
1. აკადემიური საბჭოს სხდომები
-  აკადემიურ საბჭოს თავმჯდომარეა პეტრე შოთაძის სახელობის თბილისის სამედიცინო აკადემიის რექტორი.
-  აკადემიური საბჭო იკრიბება წელიწადში 3 ჯერ. თავმჯდომარე უფლებამოსილია განსაკუთრებულ შემთხვევებში საკუთარი ინიციატივით ან წევრთა 1/3 მოთხოვნით მოიწვიოს რიგგარეშე სხდომა.
-  აკადემიური საბჭოს სხდომა უფლებამოსილია, თუ მას ესწრება საბჭოს წევრთა ნახევარზე მეტი.
2. დღის წესრიგი
-  აკადემიური საბჭოს მდივანი, აკადემიური საბჭოს თავმჯდომარესთან შეთანხმებით, ადგენს სხდომაზე განსახილველი საკითხების ნუსხას, რომელსაც წინასწარ გადასცემს აკადემიური საბჭოს წევრებს.
-   აკადემიური საბჭოს წევრებს შეუძლიათ დღის წესრიგის პროექტში დამატებით შეიტანონ განსახილველი საკითხი.
-  აკადემიური საბჭოს თავმჯდომარე სხდომის დაწყებისთანავე წარადგენს დღის წესრიგს, რომელსაც საბჭო ამტკიცებს დამსწრე წევრთა ხმების უმრავლესობით.
3. გადაწყვეტილების მიღება
აკადემიური საბჭო უფლებამოსილია მიიღოს გადაწყვეტილება, თუ მას ესწრება საერთო შემადგენლობის 2/3. გადაწყვეტილება მიღებულად ჩაითვლება, თუ მას ხმას მისცემს სრული შემადგენლობის უმრავლესობა.
4. ხმის მიცემა
-  აკადემიური საბჭოს სხდომაზე კენჭისყრა არის ღია.
-  აკადემიური საბჭოს წევრთა საერთო რაოდენობის 1/3-ს უფლება აქვს მოითხოვოს ფარული კენჭისყრა.
5. ოქმის წარმოება
-  აკადემიური საბჭოს სხდომის ოქმს აწარმოებს აკადემიური საბჭოს მდივნი.
-  ოქმს ხელს აწერს აკადემიური საბჭოს თავმჯდომარე და აკადემიური საბჭოს მდივანი.
6. რეგლამენტში ცვლილებებისა და დამატებების შეტანის წესი
აკადემიური საბჭოს რეგლამენტში ცვლილებები და დამატებები ხორციელდება V თავის მე-2 და მე-3 პუნქტების შესაბამისად.