თსა-ში სტუდენტთა მოტივაციის ზრდისა და მაღალი აკადემიური მოსწრების ხელშეწყობის მიზნით მოქმედებს დაფინანსების შემდეგი პროგრამები:

• თსა უზრუნველყოფს სტუდენტის თანადაფინანსებას მოპოვებული სახელმწიფო გრანტის ოდენობით  პირველ აკადემიურ წელს
• მაღალი აკადემიური მოსწრების მქონე სტუდენტები თავისუფლდებიან სწავლის გადასახადისგან. თსა-ში მოქმედებს შიდა დაფინანსება სტუდენტებისათვის, რომელთა აკადემიური მოსწრება აღემატება 91%-ს და რომლებიც აქტიურად არიან ჩართულნი სხვადასხვა სოციალურ პროექტში

თბილისის სამედიცინო აკადემია სტუდენტებს სთავაზობს ინოვაციურ, ინტეგრირებულ კურიკულუმს, რომლის ფარგლებში სტუდენტს სწავლის პირველივე დღეებიდან აქვს შეხება კლინიკურ შემთხვევებთან, რეალურ და სიმულაციურ პაციენტთან; ინოვაციური სწავლების მეთოდოლოგია სტუდენტს გამოუმუშავებს დამოუკიდებელი სწავლის და გუნდური მუშაობის უნარებს; უადვილებს დააკავშიროს ერთმანეთთან საბაზისო საგნებში მიღებული ცოდნა და რეალური კლინიკური სიტუაცია.

საგანმანათლებლო პროგრამის ფარგლებში კომპეტენციების მისაღწევად და შესაფასებლად გამოიყენება სწავლა-სწავლების და შეფასების შემდეგი ინოვაციური მეთოდები:

• შემთხვევის განხილვაზე დაფუძნებული სწავლება (CBL - Case-Based Learning);
• გუნდურ მუშაობაზე დაფუძნებული სწავლება (TBL - Team-Based Learning);
• შემთხვევის განხილვაზე დაფუძნებული კლინიკური მსჯელობა (CBCR- Case-Based Clinical Reasoning);
• ობიექტურად სტრუქტურირებული კლინიკური გამოცდა (OSCE - Objective Structured Clinical Examination);
• ობიექტურად სტრუქტურირებული პრაქტიკული გამოცდა (OSPE - Objectively Structured Practical Exam);
• პაციენტის საწოლთან სწავლება (Bedside-Teaching);
• შებრუნებული საკლასო ოთახი (flipped classroom);
• სწავლება ვირტუალური სიმულაციის გამოყენებით;
• სცენარებზე დაფუძნებული სიმულაციური სწავლება სტანდარტიზებული პაციენტის მეშვეობით;
• ანატომიის 3D ვიზუალიზაციის მაღალტექნოლოგიური სისტემა (Anatomage Table); 
• პორტფოლიო (Portfolio)

თსა-ში მოქმედებს Erasmus+ (ევროპა), GEMx (მსოფლიო) და ბილატერალური სემესტრული გაცვლითი და მოკლევადიანი კლინიკური  სტაჟირების პროგრამები:

• გრანადას უნივერსიტეტი (გრანადა, ესპანეთი)
• სანტიაგო დე კომპოსტელას უნივერსიტეტი (სანტიაგო-დე-კომპოსტელა, ესპანეთი) 
• ანტვერპენის უნივერსიტეტი (ანტვერპი, ბელგია)
• რადბაუდის უნივერსიტეტი (ნეიმეგენი, ნიდერლანდები)
• გრიგორი პოპას მედიცინის და ფარმაციის უნივერსიტეტი (იასი, რუმინეთი)
• ლოძის სამედიცინო უნივერსიტეტი (ლოძი, პოლონეთი)
• ვილნიუსის უნივერსიტეტი (ვილნიუსი, ლიეტუვა)
• კლაიპედას უნივერსიტეტი (კლაიპედა, ლიეტუვა)
• მაზარიკის უნივერსიტეტი (ბრნო, ჩეხეთის რესპუბლიკა)
• პავოლ იოზეფ შაფარიკის უნივერსიტეტი (კოშიცე, სლოვაკეთი)
• ალთინბაშის უნივერსიტეტი (სტამბოლი, თურქეთი)
• ათათურქის უნივერსიტეტი (ერზურუმი, თურქეთი)
• საქარიის უნივერსიტეტი (სერდივანი, თურქეთი)
• ლოქმან ჰექიმის უნივერსიტეტი (ანკარა, თურქეთი)
• სტამბოლის უნივერსიტეტი-ჯერაჰფაშა (სტამბოლი, თურქეთი)
• გირესუნის უნივერსიტეტი (გირესუნი, თურქეთი)
• რეჯეფ თაიფ ერდოღანის უნივერსიტეტი (რიზე, თურქეთი) 
• ბიალისტოკის სამედიცინო უნივერსიტეტი (ბელოსტოკი, პოლონეთი)
• IFMSA - მედიკოს სტუდენტთა ასოციაციების საერთაშორისო ფედერაციის პროგრამა (ევროპის ქვეყნები და თურქეთი)
• GEMx - გლობალური განათლების გაცვლითი პროგრამა მედიცინასა და ჯანდაცვის სფეროში (აფრიკა, აზია, ევროპა, ცენტრალური ამერიკა და კარიბის ზღვა, შუა აღმოსავლეთი)
• AMO opportunities - კლინიკური როტაციები აშშ-ში