თბილისის სამედიცინო აკადემია

საგრანტო პროგრამები

პეტრე შოთაძის სახელობის თბილისის სამედიცინო აკადემიის საგრანტო პროგრამა „სამეცნიერო-კვლევითი აქტივობების ხელშეწყობა“

პეტრე შოთაძის სახელობის თბილისის სამედიცინო აკადემიის (შემდგომში - თსა) საგრანტო პროგრამის „სამეცნიერო-კვლევითი აქტივობების ხელშეწყობა“ მიზანია ბიომედიცინის, ბიოტექნოლოგიის, მედიცინისა და ჯანმრთელობის მეცნიერებების, სამედიცინო განათლების და მათი მომიჯნავე სამეცნიერო მიმართულებებით:

თსა-ს პერსონალის (აკადემიური და მოწვეული), ახალგაზრდა მეცნიერთა და სტუდენტთა სამეცნიერო-კვლევითი პროექტების ხელშეწყობა;
თსა-ს პერსონალის (აკადემიური და მოწვეული), ახალგაზრდა მეცნიერთა და სტუდენტთა სამეცნიერო სტატიების გამოქვეყნების ხელშეწყობა საერთაშორისო რეფერირებად და რეცენზირებად ჟურნალებში;
თსა-ს პერსონალის (აკადემიური და მოწვეული), ახალგაზრდა მეცნიერთა და სტუდენტთა ინიცირებული სამეცნიერო ღონისძიებების ორგანიზების ხელშეწყობა.

პეტრე შოთაძის სახელობის თბილისის სამედიცინო აკადემიის საგრანტო პროგრამის „სამეცნიერო-კვლევითი აქტივობების ხელშეწყობა“ დეტალებისათვის იხილეთ აღნიშნული საგრანტო პროგრამის მარეგულირებელი დოკუმენტი

თსა-ს პერსონალის (აკადემიური და მოწვეული) სამეცნიერო-კვლევითი პროექტების ხელშეწყობა

სამეცნიერო-კვლევითი პროექტის ხანგრძლივობა შეიძლება იყოს 6, 9 ან 12 თვე.
სამეცნიერო-კვლევით პროექტში სავალდებულოა მინიმუმ სამი სტუდენტის ჩართულობა. პროექტში მონაწილეობისათვის სტუდენტთა შერჩევა კონკურსის საფუძველზე ხორციელდება.
სამეცნიერო-კვლევით პროექტს უნდა ჰყავდეს სამეცნიერო ხელმძღვანელი, დოქტორის ან მასთან გათანაბრებული აკადემიური ხარისხის მქონე ფიზიკური პირი, რომელიც ამავდროულად არის თსა-ს პერსონალი.
საპროექტი განაცხადი უნდა მოიცავდეს საგრანტო პროგრამის მე-4 მუხლის 4.13 პუნქტით განსაზღვრულ დოკუმენტებს და წარმოდგენილი უნდა იყოს სამეცნიერო ხელმძღვანელის მიერ ელექტრონული ფოსტის მისამართზე [email protected] ქართულად და ინგლისურად. სამეცნიერო-კვლევითი პროექტი გაფორმებული უნდა იყოს საგრანტო პროგრამის მარეგულირებელი დოკუმენტის დანართი 1-ით განსაზღვრული ფორმის შესაბამისად.
სამეცნიერო-კვლევითი საპროექტო განაცხადების ელექტრონულად წარმოდგენის ვადებად განისაზღვრა 2021 წლის 19 აპრილი, 26 ივლისი და 25 ოქტომბერი.

ახალგაზრდა მეცნიერთა და სტუდენტთა სამეცნიერო-კვლევითი პროექტების ხელშეწყობა

ახალგაზრდა მეცნიერის სამეცნიერო-კვლევითი პროექტის ხანგრძივობა შეიძლება იყოს 6, 9 ან 12 თვე.
სტუდენტის სამეცნიერო-კვლევითი პროექტის ხანგრძლივობა შეიძლება იყოს 3 ან 6 თვე.
ახალგაზრდა მეცნიერი უნდა იყოს პეტრე შოთაძის სახელობის თბილისის სამედიცინო აკადემიის პერსონალი (აკადემიური ან მოწვეული).
სტუდენტი უნდა იყოს პეტრე შოთაძის სახელობის თბილისის სამედიცინო აკადემიის აქტიური სტატუსის მქონე სტუდენტი.
ახალგაზრდა მეცნიერს/სტუდენტს უნდა ჰყავდეს მენტორი.
ახალგაზრდა მეცნიერის სამეცნიერო-კვლევით პროექტში სავალდებულოა მინიმუმ ერთი სტუდენტის ჩართულობა. პროექტში მონაწილეობისათვის სტუდენტთა შერჩევა კონკურსის საფუძველზე ხორციელდება.
საპროექტი განაცხადი უნდა მოიცავდეს საგრანტო პროგრამის მე-5 მუხლის 5.14 პუნქტით განსაზღვრულ დოკუმენტებს და წარმოდგენილი უნდა იყოს ახალგაზრდა მეცნიერის/სტუდენტის მიერ ელექტრონული ფოსტის მისამართზე [email protected] ქართულად და ინგლისურად. სამეცნიერო-კვლევითი პროექტი გაფორმებული უნდა იყოს საგრანტო პროგრამის მარეგულირებელი დოკუმენტის დანართი 3-ით განსაზღვრული ფორმის შესაბამისად.
სამეცნიერო-კვლევითი საპროექტო განაცხადების ელექტრონულად წარმოდგენის ვადებად განისაზღვრა 2021 წლის 19 აპრილი, 26 ივლისი და 25 ოქტომბერი.

თსა-ს პერსონალის (აკადემიური და მოწვეული), ახალგაზრდა მეცნიერთა და სტუდენტთა სამეცნიერო სტატიების გამოქვეყნების ხელშეწყობა საერთაშორისო რეფერირებად და რეცენზირებად ჟურნალებში

სამეცნიერო სტატიის პირველი და საკორესპონდენციო ავტორი უნდა იყოს თსა-ს პერსონალი (ადმინისტრაციული, აკადემიური და/ან მოწვეული), ახალგაზრდა მეცნიერი და/ან სტუდენტი.
სამეცნიერო სტატიის პირველი და საკორენპონდენციო ავტორის ორმაგი აფილირების შემთხვევაში პირველ პოზიციაზე მითითებული უნდა იყოს აფილირება თსა-სთან.
სამეცნიერო სტატიას შეიძლება ჰყავდეს მაქსიმუმ 8 (რვა) ავტორი.
იგულისხმება მხოლოდ Google Scholar, Scopus, Web of Science, ERIH PLUS ბაზებში ინდექსირებულ საერთაშორისო რეფერირებად და რეცენზირებად ჟურნალში სტატიის გამოქვეყნების ხარჯების ანაზღაურება.
აპლიკაცია უნდა მოიცავდეს საგრანტო პროგრამის მე-6 მუხლის 6.10 პუნქტით განსაზღვრულ დოკუმენტებს და წარმოდგენილი უნდა იყოს ელექტრონული ფოსტის მისამართზე [email protected].
აპლიკაციის ელექტრონულად წარმოდგენის ვადად განისაზღვრა 2021 წლის 20 დეკემბერი.

თსა-ს პერსონალის (აკადემიური და მოწვეული), ახალგაზრდა მეცნიერთა და სტუდენტთა ინიცირებული სამეცნიერო ღონისძიებების ორგანიზების ხელშეწყობა

სამეცნიერო ღონისძიება შეიძლება იყოს კონფერენცია, სეზონური სკოლა, ტრენინგი, დებატები, მასტერ-კლასი ან კომბინირებული ღონისძიება, რომელიც ჩატარდება პეტრე შოთაძის სახელობის თბილისის სამედიცინო აკადემიის ბაზაზე.
საპროექტო განაცხადი შეიძლება წარმოდგენილი იყოს ინდივიდუალურად ან სამეცნიერო გუნდის სახელით.
სტუდენტის მიერ საპროექტო განაცხადის წარდგენისას სავალდებულოა მენტორის არსებობა.
სეზონური სკოლის შემთხვევაში სასწავლო აქტივობა მინიმუმ 18 სთ-ით უნდა განისაზღვროს.
განაცხადი უნდა მოიცავდეს საგრანტო პროგრამის მე-7 მუხლის 7.6 პუნქტით განსაზღვრულ დოკუმენტებს და წარმოდგენილი უნდა იყოს აპლიკანტის მიერ ელექტრონული ფოსტის მისამართზე [email protected] ქართულად და ინგლისურად. საპროქტო განაცხადი გაფორმებული უნდა იყოს საგრანტო პროგრამის მარეგულირებელი დოკუმენტის დანართი 5-ით განსაზღვრული ფორმის შესაბამისად.
განაცხადის ელექტრონულად წარმოდგენის ვადად განისაზღვრა 2021 წლის 20 დეკემბერი.