აპრილის თვის ღია კარის დღეები თსა-ში
ძვირფასო აბიტურიენტებო!
თსა გიწვევთ აპრილის თვის ღია კარის დღეებზე - #1დღეთსაში
4 აპრილი - 16:00-18:00
14 აპრილი - 16:00-18:00
28 აპრილი - 16:00-18:00
მედიცინით დაინტერესებულ აბიტურიენტებს შესაძლებლობა გეძლევათ მონაწილეობა მიიღოთ სიმულაციურ ტრენინგში "ერთი დღე კლინიკაში“ და სრულიად უსაფრთხო გარემოში სამედიცინო სიმულატორებსა და მულაჟებზე ჩაატაროთ სამედიცინო პროცედურები:
- პირველადი რეანიმაციული ღონისძიებები - გულის არაპირდაპირი მასაჟი, ხელოვნური სუნთქვის ჩატარება, დეფიბრილაცია;
- ინტრავენური მიდგომები - პერიფერულ ვენაში კათეტერის ჩადგმა, სისხლის ნიმუშის აღება, ვენაში პრეპარატის შეყვანა;
- ჭრილობის პირველადი დამუშავება და გაკერვა;
- ენდოტრაქეული ინტუბაცია - სასუნთქი მილის მოთავსება ტრაქეაში ლარინგოსკოპის გამოყენებით;
ასევე, აბიტურიენტებს შესაძლებლობა გექნებათ გაეცნოთ თსა-ს სასწავლო-კვლევით ლაბორატორიას და აკადემიის სტუდენტების დახმარებით, თავად ჩაატაროთ გარკვეული ლაბორატორიული სამუშაოები:
- ბაქტერიული ნაცხის დათვალიერება მიკროსკოპის ქვეშ;
- მყარ და თხიერ საკვებ ნიადაგებზე მიკრობიოლოგიური ნიმუშის დათესვა.
თქვენ მიიღებთ ამომწურავ ინფორმაციას აკადემიის სასწავლო და გაცვლითი პროგრამების, სტუდენტური ცხოვრებისა და საუნივერსიტეტო სტიპენდიის შესახებ.
მეგზურობას და მენტორობას კი თსა-ს სტუდენტები გაგიწევენ.
გთხოვთ გაითვალისწინოთ, რომ თითოეულ სესიაზე დასაშვებია 20 აბიტურიენტის რეგისტრაცია. რეგისტრაციისთვის მიჰყევით ბმულს და აირჩიეთ თქვენთვის სასურველი თარიღი: სარეგისტრაციო ბმული
გახსოვდეთ, რომ მედიცინა იწყება აქ!
#040
#თსა