GE EN


Erasmus+ მობილობის პროგრამები

Erasmus+ მობილობის პროგრამები

საერთაშორისო მობილობა არის უნიკალური შესაძლებლობა გამოცდილების გაცვლისა და თვალსაწიერის გაფართოებისთვის. თსა სთავაზობს სტუდენტებსა და პერსონალს მობილობის პროგრამებს ევროპის არაერთ უნივერსიტეტში.

Erasmus+ მობილობის პროგრამები არის ევროკავშირის მიერ დაფინანსებული შესაძლებლობები, რომლებიც ემსახურება საერთაშორისო გამოცდილების გაცვლას. დღეისათვის, მობილობის მიზნებისთვის, თსა-ს პარტნიორული ურთიერთობა აქვს დამყარებული შემდეგ ევროპულ უნივერსიტეტებთან:

  • გრანადის უნივერსიტეტი (ესპანეთი)
  • სანტიაგო დე კომპოსტელას უნივერსიტეტი (ესპანეთი)
  • მოლისეს უნივერსიტეტი (იტალია)
  • რადბაუდის უნივერსიტეტი ნაიმეგენში (ნიდერლანდები)
  • მასარიკის უნივერსიტეტი (ჩეხეთი)
  • ლოძის სამედიცინო უნივერსიტეტი (პოლონეთი)
  • ვარშავის სამედიცინო უნივერსიტეტი (პოლონეთი)
  • გრიგორე ტ. პოპას სახელობის იასის მედიცინისა და ფარმაციის უნივერსიტეტი (რუმინეთი)

თსა-ს უწყვეტი პროფესიული განვითარების დეპარტამენტი წარმატებით ხელმძღვანელობს Erasmus+ მობილობის პროგრამების ფარგლებში თსა-ს პერსონალის მიერ განხორციელებული ვიზიტების შედეგების დანერგვას. აღნიშნული პრაქტიკა საქართველოს ეროვნული Erasmus+ ოფისის მიერ აღიარებულ იქნა როგორც მიღებული გამოცდილების გავრცელებისა და დანერგვის საუკეთესო პრაქტიკა.

Erasmus+ მობილობის პროგრამა თსა-ს სტუდენტებსა და თანამშრომლებს სთავაზობს სხვადასხვა ხანგრძლივობის სრულად დაფინანსებულ მობილობას პარტნიორ უნივერსიტეტებში.

სტუდენტები

სასწავლო მიზნით მობილობა სტუდენტებს აძლევს შესაძლებლობას, სტიპენდიის პროგრამის ფარგლებში, ერთი სემესტრი ისწავლონ პარტნიორ უნივერსიტეტებში.

მობილობა თსა-დან

მობილობის ვადები და განაცხადის მიღების პერიოდები განსხვავებულია და განისაზღვრება პარტნიორი უნივერსიტეტების მიერ. სტუდენტთა რეგისტრაცია და შერჩევა ხორციელდება ღია პროცესის მეშვეობით შესაბამის პერიოდებში.

შერჩევის კრიტერიუმები

მობილობით დაინტერესებულ სტუდენტებს უნდა ჰქონდეთ ინგლისური ენის B2 დონეზე ცოდნა და მაღალი აკადემიური მოსწრება.

განაცხადების მიღების გამოცხადების შემდეგ, დაინტერესებულ სტუდენტებს შეუძლიათ დარეგისტრირდნენ სააპლიკაციო ფორმის შევსებით. შერჩევა ორეტაპიანი პროცესია. პირველ ეტაპზე, მაღალი აკადემიური მოსწრების მქონე დარეგისტრირებულ სტუდენტებს მოეთხოვებათ ინგლისური ენის წერილობითი გამოცდის ჩაბარება, რასაც მოჰყვება გასაუბრება შესარჩევ კომისიასთან. კანდიდატთა საბოლოო სია შესაძლოა ასევე მიწვეულ იქნას გასაუბრებაზე უშუალოდ პარტნიორი უნივერსიტეტის წარმომადგენლებთან.

საბოლოოდ, კონსულტაციები გაიმართება შერჩეულ კანდიდატებთან, რომლებიც მიიღებენ სრულ დაფინანსებას მობილობისთვის.

ძვირფასო სტუდენტებო! გთხოვთ გაითვალისწინოთ, რომ Erasmus+ მობილობა მაღალკონკურენტულია შეზღუდული ვაკანსიებით. შესაბამისად, თსა შეარჩევს და წარუდგენს მხოლოდ საუკეთესო კანდიდატებს პარტნიორ უნივერსიტეტებს.

შემომავალი მობილობა

პარტნიორი უნივერსიტეტების სტუდენტებს აქვთ შესაძლებლობა ისწავლონ თსა-ში ერთი სემესტრის განმავლობაში. ამ მიზნით, მათ უნდა მიმართონ Erasmus+ ოფისს შესაბამის პარტნიორ უნივერსიტეტში. თსა-ს Erasmus+ ოფისი მზადაა გაუწიოს კონსულტაცია და მხარდაჭერა მობილობით დაინტერესებულ სტუდენტებს. გთხოვთ დაგვიკავშირდეთ: erasmus@tma.edu.ge

პერსონალის მობილობა

მობილობა თსა-დან

თსა სთავაზობს როგორც აკადემიურ, ისე ადმინისტრაციულ პერსონალს მოკლევადიანი მობილობის შესაძლებლობებს (14 კალენდარულ დღემდე) პარტნიორ უნივერსიტეტებში ლექციების წასაკითხად, ტრენინგებისთვის ან კოლეგების მუშაობის მეთოდოლოგიის გასაცნობად (job shadowing).

მობილობით დაინტერესებულმა კანდიდატებმა უნდა შეავსონ სააპლიკაციო ფორმა და გამოაგზავნონ შემდეგ ელ.ფოსტაზე: erasmus@tma.edu.ge.

განაცხადს თან უნდა ახლდეს კანდიდატის CV და მოკლე სამუშაო გეგმა (მაქსიმუმ 1 გვერდი) დაგეგმილი აქტივობებისა და მობილობის ფარგლებში მისაღწევი მიზნების აღწერით. კანდიდატების წარდგენა პარტნიორ უნივერსიტეტებში მოხდება პრიორიტეტული სასწავლო მიმართულებებიდან. დამატებითი ინფორმაციისა და კონსულტაციებისთვის გთხოვთ მიმართოთ თსა-ს Erasmus+ ოფისს: erasmus@tma.edu.ge

შემომავალი მობილობა

პარტნიორი უნივერსიტეტების აკადემიურ და/ან ადმინისტრაციულ პერსონალს შეუძლია განახორციელოს მოკლევადიანი ვიზიტი თსა-ში სწავლების ან ტრენინგის მიზნით. თსა მიესალმება მსგავს მობილობას შემდეგ პრიორიტეტულ მიმართულებებში: სწავლებისა და შეფასების მეთოდოლოგია; კვლევითი უნარები და კვლევის მეთოდოლოგია. მობილობით დაინტერესებულმა კანდიდატებმა უნდა მიმართონ Erasmus+ ოფისს შესაბამის პარტნიორ უნივერსიტეტში. თსა-ს Erasmus+ ოფისი მზადაა გაუწიოს კონსულტაცია და მხარდაჭერა მობილობით დაინტერესებულ პირებს. დამატებითი კითხვების შემთხვევაში გთხოვთ დაგვიკავშირდეთ: erasmus@tma.edu.ge