ხელოვნური ინტელექტის (AI) განვითარებამ პროგრესთან ერთად გამოწვევებიც განაპირობა. ამ თვალსაზრისით განსაკუთრებულ მნიშვნელობას იძენს გამოწვევები აკადემიური კეთილსინდისიერების მიმართულებით. ერთ-ერთი ყველაზე ხშირად დასმული კითხვებია:

• ავტორობა: ვინ არის ტექსტის ავტორი? მე თუ AI?
• ნაშრომის შინაარსობრივი ღირებულება: რა მნიშვნელობა აქვს AI-ის გამოყენებით გენერირებული ტექსტს? ახდენს ის ფაქტების ინტერპრეტაციას თუ უბრალოდ აღწერს?
• ციტირება: რამდენად დაცულია რეფერირების პრინციპები AI-ის გამოყენებით ტექსტის გენერირებისას?

ბოლო პერიოდში ინტენსიურად განვითარდა და ხელმისაწვდომია ისეთი AI ინსტრუმენტები, როგორიცაა ტექსტის გენერატორები, ავტომატური კვლევითი ასისტენტები. თუმცა მნიშვნელოვანია მათი ეთიკურად, აკადემიური კეთილსინდისიერების სტანდარტების შესაბამისად გამოყენების პრინციპების ჩამოყალიბება.