პეტრე შოთაძის სახელობის თბილისის სამედიცინო აკადემია ბილატერალური თანამშრომლობის შეთანხმებების ფარგლებში აცხადებს კანდიდატთა შერჩევას არსებული მობილობის ვაკანტური ადგილების დაკავების მიზნით შემდეგ უნივერსიტეტებში:

• ალთინბაშის უნივერსიტეტი (თურქეთი), 2 ადგილი

• აიდინის უნივერსიტეტი (თურქეთი), 2 ადგილი

პროგრამაში მონაწილეობა შეუძლიათ თსა-ს ინგლისურენოვანი მედიცინის სტუდენტებს, რომლებიც ამჟამად იმყოფებიან სწავლების VI-VII სემესტრებში და მათი აკადემიური მოსწრების საშუალო მაჩვენებელი (GPA) აღემატება 2.5-ს. 

კანდიდატების შერჩევა მოხდება წარმოდგენილი განაცხადის და გასაუბრების საფუძველზე, თსა-ს მიერ განსაზღვრული წესის შესაბამისად. 

ბილატერალური თანამშრომლობით გათვალისწინებული მობილობით შერჩეულ სტუდენტებს სტიპენდიის სახით განესაზღვროთ დაფინანსება 5 თვის განმავლობაში, თვეში 300 ევროს ეკვივალენტი ლარში.

კანდიდატების მიერ წარმოდგენილი დოკუმენტების ჩამონათვალი განისაზღვროს შემდეგნაირად: 

• სამოტივაციო წერილი ინგლისურ ენაზე ( არაუმეტეს 500 სიტყვისა)

• CV (ინგლისურ ენაზე)

• მიმდინარე წლის განმავლობაში, თსა-ს აკადემიური პერსონალის მიერ გაცემული 1 სარეკომენდაციო წერილი 

დაინტერესებულ სტუდენტებს რეგისტრაცია შეუძლიათ 14 ოქტომბრამდე, მითითებულ ბმულზე:  https://forms.gle/bEciWf5xmoA2zMEU9 

გასაუბრება ჩატარდება 16 ოქტომბერს, 16:00 საათზე.

დამატებითი ინფორმაციისთვის, გთხოვთ, დაგვიკავშირდეთ international@tma.edu.ge 

გისურვებთ წარმატებებს!